«Եվրոպական Պրավդա» պարբերականը ներկայացրել է Ստամբուլի «Kadir Has» համալսարանի՝ «Թուրքակյան թրենդներ-2020» ծրագրի սոցիալական հետազոտության արդյունքները:
Հետազոտությունը, որն անցկացվում է ավելի քան տասը տարի, հիմնականում նվիրված է արտաքին քաղաքականությանն առնչվող հարցերին. ինչ վերաբերմունք ունեն շարքային թուրքերն այս կամ այն երկրի եւ դրա իշխանության նկատմամբ:
Թուրքերի շրջանում առավել մեծ համակրանք են վայելում Ադրբեջանը (57,8%), Հյուսիսային Կիպրոսը (40,5%), Վրաստանը (39,3%), Ուզբեկստանը (35,7%), Քաթարը (28,2%), Պակիստանը (28%), Սիրիան (23,2%), Ուկրաինան (21,6%), Չինաստանը (21,5%) եւ Սաուդյան Արաբիան (16,8%):
Այս տարի Ռուսաստանը յոթերորդից իջել է 14-րդ հորիզոնական. դեռ մեկ տարի առաջ Մոսկվային բարեկամ երկիր էր համարում հարցված թուրքերի 23,2% -ը, իսկ այժմ՝ ընդամենը 13,2%-ը:
Թուրքիայի անվտանգությանը սպառնացող երկրների վարկանիշային աղյուսակում Ռուսաստանը բարձրացել է 10 կետով: Անցյալ տարի «սեւ ցուցակն» այսպիսի տեսք ուներ. ԱՄՆ՝ 60,5%, Իսրայել՝ 60,3%, Հայաստան՝ 58,9%, Ֆրանսիա՝ 56,5%, Մեծ Բրիտանիա՝54,7%, Գերմանիա՝ 50,6%, Հունաստան՝ 49,7%, Իրաք՝ 48,6%, Ռուսատան՝47,1%, Իրան՝46,8%, ԱՄԷ՝46,2%, Սիրիա՝43,2%, Չինաստան՝ 42,2%: