Բնապահպանական խոշոր աղետ

Միջերկրական ծովի Իսրայելի ափի մեծ մասում՝ մոտ 190 կիլոմետր, տասնյակ տոննա մազութ է լցվել՝ հանգեցնելով խոշորագույն բնապահպանական աղետի:

Հազարավոր կամավորներ եւ զինվորականներ լծվել են աղետի հետեւանքների վերացմանը, որն ամիսներ կամ նույնիսկ տարիներ կարող է տեւել:

Աղետի հատվածում հարյուրավոր անշնչացած կրիաներ, ձկներ եւ թռչուններ են հայտնաբերվել:

Ենթադրվում է, որ աղետի պատճառը փոթորկից վնասված եւ ափից 50 կիլոմետր հեռու գտնվող նավից վառելիքի արտահոսանքն է: Կասկածի տակ են աղետից առաջ այդ հատվածում գտնված եւս ինը նավ:

Մասնագետներն ավելի ստույգ տեղեկություն են փորձում քաղել արբանյակային լուսանկարներից: Մեղավորները ստիպված կլինեն միլիոնավոր դոլարների վնասի փոխհատուցում վճարել: