Խախտել են մատակարարման պայմանները

Եվրամիությունը լուրջ խնդիրների է բախվել կորոնավիրուսի դեմ պատվաստանյութերի մատակարարման հետ կապված։ ԵՄ-ին պատվաստանյութ մատակարարելու պայմանագիրը խախտելու համար Եվրոպական հանձնաժողովը իրավական ընթացակարգ է սկսել AstraZeneca ընկերության դեմ։

ԵՀ պաշտոնական ներկայացուցիչն ասել է, որ հանձնաժողովը գործում է ոչ միայն իր, այլեւ 27 անդամ պետությունների անունից։

Մատակարարման պայմանները խախտել են նաեւ Pfizer/BioNTech եւ Moderna ընկերությունները։

Պատվաստանյութ արտադրող եւ մատակարարող այս երեք ընկերությունների անբարեխղճության հետեւանքով հնարավոր է, որ չիրագործվի մինչեւ ամռան կեսերը ԵՄ-ի չափահաս բնակչության 70 տոկոսին պատվաստելու՝ Բրյուսելի մտադրությունը։