Քննարկել են ԼՂ կենսական խնդիրների լուծման հարցը

ՌԴ արտգործնախարարի տեղակալ Սերգեյ Վերշինինը հուլիսի 16-ին ընդունել է Ռուսաստանում ՀՀ դեսպան Վարդան Տողանյանին:

ՌԴ ԱԳՆ-ն հայտնել է, որ հանդիպման ընթացքում քննարկվել են միջազգային եւ տարածաշրջանային օրակարգի արդիական հարցեր, այդ թվում՝ տարբեր բազմակողմ հարթակներում Ռուսաստանի եւ Հայաստանի փոխգործակցությունը:

Հատուկ ուշադրություն է դարձվել ԼՂ շրջանների կենսական հարցերի լուծման ենթատեքստում միջազգային հումանիտար կազմակերպությունների եւ ՄԱԿ-ի համակարգի գործակալությունների ներգրավման խնդիրներին: