Մոսկվայում Իրանի դեսպանատան ռազմական կցորդ Ռեզա Խոսրավի Մոկադամը հայտնել է, որ Իրանի զինված ուժերի գլխավոր շտաբի պետ Մոհամադ Բաքերին կայցելի Ռուսաստան:
Ռազմական կցորդը «IRNA» գործակալությանն ասել է, որ Բաքերիի գլխավորած բարձրաստիճան ռազմական պատվիրակությունը կմեկնի Ռուսաստան՝ պաշտպանության նախարար Սերգեյ Շոյգուի հրավերով:
ԻԻՀ գլխավոր շտաբի պետը ռուս պաշտոնյաների հետ կքննարկի ռազմական ոլորտում համագործակցության զարգացման, ահաբեկչության դեմ պայքարի, ինչպես նաեւ տարածաշրջանային եւ միջազգային հարցեր:
Մոսկվայում Իրանի դեսպանատունը հայտնել է, որ այցը նախատեսված է հաջորդ շաբաթ: