Ըստ «Ազատություն» ռադիոկայանի՝ փոխվարչապետ Մհեր Գրիգորյանի գրասենյակից հայտնել են, որ Ռուսաստանի փոխվարչապետ, տրանսպորտային հաղորդակցությունների ապաշրջափակման հարցերով եռակողմ աշխատանքային խմբի համանախագահն Ալեքսեյ Օվերչուկը մոտ օրերս կժամանի Հայաստան:
Օվերչուկը կգլխավորի Երեւանում Հայ-ռուսական տնտեսական համագործակցության միջկառավարական հանձնաժողովի 20-րդ նիստին մասնակից ռուսական պատվիրակությունը։
ՌԴ փոխվարչապետը Բաքվում այսօր հանդիպել է Ադրբեջանի նախագահ Իլհամ Ալիեւի հետ։ Նա Ադրբեջանի մայրաքաղաքում մասնակցել է «Ռուս-ադրբեջանական հարաբերությունների ներկա վիճակը եւ հեռանկարները ինտեգրված գործընթացների համատեքստում» խորագրով համաժողովին։