Ռուսաստանի ՊՆ-ից հայտնել են, որ Ռուսաստանի օդատիեզերական ուժերն ավարտել են հայ խաղաղապահների տեղափոխումը Ղազախստան: ՀՀ ԶՈՒ խաղաղապահ զորախումբը Երեւանի «Զվարթնոց» օդանավակայանից Ալմաթիի օդանավակայան է տեղափոխվել Ռուսաստանի ռազմատրանսպորտային Իլ-76 ինքնաթիռներով:
«Բոլորը գեղեցիկ են, կոկիկ հագնված»
RT-ի ավագ թղթակից Մուրադ Հաջիեւը հրապարակել է Ղազախստան մեկնած հայկական զորախմբի լուսանկարները:
«Ալմաթի է ժամանել ՀԱՊԿ-ի հայկական զորախումբը։ Բոլորը գեղեցիկ են, կոկիկ հագնված։ Հետաքրքիր է, որ նրանց շարքում կանայք կան, ինչը սովորական բան չէ։ Շատ հաճելի է»,- գրել է RT-ի ավագ թղթակիցը:
Ղազախստան մեկնած խաղաղապահները պահպանելու են ռազմավարական նշանակության շենքերն ու ենթակառուցվածքները։