ՌԴ ՊՆ պաշտոնական ներկայացուցիչ, գեներալ-մայոր Իգոր Կոնաշենկովը լրագրողներին տեղեկացրել է, որ ռուսական բանակը Ուկրաինայի ռազմական ենթակառուցվածքի 211 օբյեկտ է շարքից դուրս բերել:
«Ռուսաստանի զինված ուժերն ընդհանուր առմամբ շարքից դուրս են բերել Ուկրաինայի ռազմական ենթակառուցվածքների 211 օբյեկտ։ Այդ թվում Ուկրաինայի ԶՈՒ կառավարման եւ կապի հանգույցների 17 կետ, Ս-300 եւ «Օսա» ՀՕՊ զենիթահրթիռային 19 համալիր, 39 ռադիոլոկացիոն կայան։ Խոցվել են 6 մարտական ինքնաթիռ, 1 ուղղաթիռ, 5 անօդաչու թռչող սարք»,– ասել է Կոնաշենկովը։
Գեներալը հավելել է, որ ոչնչացվել է 67 տանկ եւ այլ մարտական զրահամեքենա, համազարկային կրակի 16 ռեակտիվ համակարգ, հատուկ ռազմական ավտոմոբիլային տեխնիկայի 87 միավոր։