Մեր մարզում [Լոռի] մեծ դերակատարում ունի COAF սմարթ կենտրոնը։ Ուրախալի է, երբ տեսնում եմ, թե երեխաների ինչ հոսք կա այս տարիներին։ Այդ հետահայացն օգնում է հասկանալու, թե որքան մեծ գործ է արվել, ինչ ճանապարհ ենք անցել, քանի որ շատ հաճախ մենք, ապրելով քաղաքներում, չենք պատկերացնում՝ ինչ է կատարվում գյուղերում։ Երեխաներից շատերն այստեղ առաջին անգամ են լսում կենդանի երաժշտություն, տեսնում կիթառ, հարվածային գործիքներ, նրանց պատկերացումները փոխվում են։ Ապագան պետք է փնտրենք այն երեխաների մեջ, որոնց սովորեցնում ենք։