Թուրքիայի ընդդիմադիրները Ստամբուլում բողոքի ցույց են անցկացրել՝ հաջակցություն նախօրեին ցմահ ազատազրկման դատապարտված հասարակական հայտնի գործիչ Օսման Կավալայի։
Ժողովրդահանրապետական կուսակցության խորհրդարանական խմբակցության ղեկավար Օզգյուր Օզելը ասել է, որ ինչ-որ մեկը ցանկանում է դատապարտել լուսավորյալ մարդկանց։ Նա հավելել է, որ այդ լուսավորյալ մարդկանց առաջ փակվող դատարանի դռներն ու բանտի ճաղերը ընդունակ չեն վերջիններիս կոտրելու։
«Գեզին ազատ է։ Կավալան ազատ է։ Մեր բոլոր ձերբակալված ընկերներն ազատ են։ Ռեջեփ Թայիփ Էրդողանը կկանգնի պատմության դատի առաջ։ Նա պատասխանատվության կենթարկվի, խոստանում ենք»,- հայտարարել է ընդդիմադիր գործիչը։