Ռուսաստանի ներքին գործերի նախարարությունը հետախուզում է հայտարարել «Ի՞նչ, որտե՞ղ, ե՞րբ» հեռուստահաղորդման երկարամյա մասնակիցներից մեկի՝ 50-ամյա Ռովշան Ասկերովի նկատմամբ։ Գերատեսչության պնդմամբ՝ Ասկերովի դեմ դեռ ապրիլի 27-ին քրեական գործ է հարուցվել՝ «ազգայնականության արդարացման» հոդվածով։
Գործի հարուցման պատճառը Ֆեյսբուքում ապրիլի 6-ին Ասկերովի գրառումն է, որում նա մի շարք վիրավորական մտքեր է հնչեցրել խորհրդային զորահրամանատար, մարշալ Գեորգի Ժուկովի հասցեին։ Ասկերովը Ժուկովին «ստաժավոր թալանչի» է անվանել՝ պնդելով, որ նա Երկրորդ աշխարհամարտի ընթացքում Գերմանիայում դիակապտությամբ էր զբաղված։
Ռովշան Ասկերովը, որը 2001-ին արժանացել է «բյուրեղապակե բու» մրցանակի, աշխատել է «Սպորտ-Էքսպրես» թերթում եւ НТВ հեռուստաընկերությունում որպես մեկնաբան, 2009-ից զբաղեցնում է Մոսկվայում լույս տեսնող «Բաքու» ամսագրի PR տնօրենի պաշտոնը։ Ամսագրի գլխավոր խմբագիրն է Ադրբեջանի նախագահ Իլհամ Ալիեւի դուստրը՝ Լեյլա Ալիեւան։