Christie’s աճուրդային տունը վաճառքի կհանի Microsoft ընկերության համահիմնադիր Պոլ Ալենի 150 կտավից բաղկացած նկարների հավաքածուն։ Ակնկալվում է, որ վաճառքից կստացվի 1 միլիարդ դոլարի հասույթ։ Կտավների արժեքը տատանվում է 1,5 միլիոն դոլարից մինչեւ 120 միլիոն դոլար։
Հավաքածուն ընդգրկում է արվեստի պատմության 500 տարվա ժամանակահատված՝ սկսած Յան Բրեյգել կրտսերից մինչեւ Ֆրենսիս Բեկոն։ Աճուրդից առաջ կտավները կցուցադրվեն աշխարհի տարբեր մայրաքաղաքներում։
Հավաքածուի մաս կազմող Վինսենթ Վան Գոգի «Verger avec cyprès» եւ Ժորժ Սերայի «Les Poseuses, Ensemble (Petite version)» կտավները գնահատվում են ավելի քան 100 միլիոն դոլար, Գուստավ Կլիմտի «Birch Forest»-ը գնահատվում է 90 միլիոն դոլար։
Աճուրդը տեղի կունենա նոյեմբերի 9-10-ին։ Ստացված հասույթը Պոլ Ալենի ցանկությամբ կօգտագոևծվի բարեգործական նպատակներով։
Պոլ Ալենը մահացել է 2018-ին 65 տարեկանում։ Նա աշխարհում 27-րդ ամենահարուստ մարդն էր։ Ալենը սիրում էր ասել, որ հավաքորդը պարզապես ժամանակավոր պահապանն է գեղանկարչական գործերի, որոնք բնականաբար ավելի երկար կյանք ունեն, քան պահապանի կյանքի տեւողությունն է։
Պատրաստեց Արման Գրիգորյանը