Ֆուտբոլի աշխարհի առաջնության 1-ին տուրի երրորդ խաղում Նիդերլանդները նախօրեին ուշ երեկոյան հանդիպեց Աֆրիկայի չեմպիոն Սենեգալի հետ: Նիդերլանդների հավաքականը 2:0 հաշվով հաղթանակ տարավ եւ Էկվադորի ընտրանու հետ սկսեց գլխավորել A խումբը, որը երեկ պարտության էր մատնել Կատարի ընտրանուն՝ 2:0:
Խաղն անցավ անչափ լարված պայքարում: Հիմնական իրադարձությունները տեղի ունեցան երկրորդ կեսում: Նախ սենեգալցիները երկու անգամ վտանգավոր հարվածներ կատարեցին, սակայն երկու դեպքում էլ նիդերլանդցիների դարպասապահը հետ մղեց դրանք: Իսկ ահա խաղի վերջում աֆրիկացիների դարպասապահը երկու սխալ թույլ տվեց, որից անմիջապես օգտվեցին եվրոպացի ֆուտբոլիստները: