ՀՀ ՊՆ մամուլի ծառայությունից հայտնել են, որ մայիսի 23-ի գիշերը՝ 00:20-01:10-ը, Ադրբեջանի ԶՈՒ ստորաբաժանումները տարբեր տրամաչափի հրաձգային զենքերից կրակ են բացել Կուտականի հատվածում տեղակայված հայկական դիրքերի ուղղությամբ:
Հայկական կողմը կորուստներ չունի: 08:00-ի դրությամբ իրադրությունն առաջնագծում հարաբերականորեն կայուն է:
Ավելի վաղ՝ մայիսի 18-ին էլ՝ 17:20-ի սահմաններում, Ադրբեջանի ԶՈՒ ստորաբաժանումները խախտել էին հրադադարը Նորաբակի հատվածում։ Մայիսի 19-ին էլ՝ 17:00-ի սահմաններում, Ադրբեջանի ԶՈՒ զինծառայողը թիրախային մենահատ կրակել էր սահմանագոտու հարավարեւմտյան հատվածում տեղակայված մարտական դիրքում հերթապահություն կատարող ՀՀ ԶՈՒ զինծառայողի վրա: Բարեբախտաբար, ՀՀ ԶՈՒ զինծառայողը որեւէ վնասվածք չէր ստացել: