Հայաստանի արտգործնախարար Արարատ Միրզոյանը Դուբրովնիկի համաժողովի շրջանակում հանդիպել է Եվրոպական հանձնաժողովի փոխնախագահ, Եվրոպական միության արտաքին գործերի եւ անվտանգության քաղաքականության հարցերով Բարձր հանձնակատար Ժոզեպ Բորելի հետ։ Ավելի վաղ համաժողովի ընթացքում ՀՀ արտգործնախարարը Հայաստանի եւ Եվրոպայի խորհրդի միջեւ համագործակցության եւ ընթացիկ մարտահրավերների շուրջ մտքեր է փոխանակել Եվրոպայի խորհրդի գլխավոր քարտուղար Մարիա Պեյչինովիչ Բուրիչի հետ։
Քննարկել են Լաչինի միջանցքի արգելափակման հետեւանքով ստեղծված իրավիճակը
Նախօրեին էլ փոխարտգործնախարար Վահե Գեւորգյանը Մոսկվայում ՌԴ փոխարտգործնախարար Միխայիլ Գալուզինի հետ հանդիպմանն անդրադարձել է Լաչինի միջանցքի ապօրինի արգելափակման հետեւանքով ստեղծված իրավիճակին եւ Լեռնային Ղարաբաղում տիրող հումանիտար ճգնաժամին: Քննարկվել է Հայաստան-Ադրբեջան հարաբերությունների կարգավորման գործընթացի ընթացքը: