«Եվրամիություն մտնելու նոր հեռանկար է բացվում Թուրքիայի համար»,- Arab News-ում գրում է Թուրքիայի նախկին արտգործնախարար, իշխող «Արդարություն եւ զարգացում» կուսակցության հիմնադիր անդամ Յաշար Յակիշը (Yaşar Yakış)։
ԵՄ-ն Թուրքիայի հետ հարաբերությունները մեղմացնելու դրական ազդանշան է տվել։ Այն փոխանցել է ԵՄ տնտեսական հարցերով կոմիսար Պաոլո Ջենտիլոնին (Paolo Gentiloni)՝ հայտարարելով, թե գալիք աշնանը Թուրքիայի եւ ԵՄ-ի միջեւ մաքսային համաձայնագիրը կարող է թարմացվել։
Սա լավ լուր է Թուրքիայի համար, բայց իրողություն դառնալու համար մի շարք խնդիրներ դեռ պետք է լուծվեն։ Եվրոպայում քաղաքական նոր իրավիճակ է։ Ռուսաստանի եւ ՆԱՏՕ-ի լարված հարաբերությունները փոխել են ուժերի հավասարակշռությունը։ Անկարան որոշ ժամանակ սիրախաղ էր անում Մոսկվայի հետ, իսկ հիմա երկմտում է՝ մնա՞լ Ռուսաստանի կողքին՝ պահպանելով Արեւելքի եւ Արեւմուտքի միջնորդի իր դերը, թե՞ ոչ։
 ԴԻՏԵՔ ՆԱԵՎՀայաստան-Թուրքիա հարաբերությունների կարգավորում. Ասենա Գյունալ |
ԱԳ նախկին նախարարի կարծիքով՝ Թուրքիայի հարցը կքննարկվի միայն ուկրաինական հակամարտության ավարտից հետո։ «Եթե Անկարան դրական դերակատարում ունենա առկա ճգնաժամում, կկարողանա օգուտ քաղել, եթե ոչ, Թուրքիայի ԵՄ մտնելու գործընթացը երկար ժամանակով կսառեցվի»։