YouTube վիդեոծառայությունը Android հավելվածի սահմանափակ թվով օգտվողների համար նոր գործառույթ է փորձարկել։ Այսուհետեւ օգտատերերը հնարավորություն կունենան հարթակում երգ որոնելու՝ պարզապես դրանից մի հատված երգելով կամ կարճ ձայնագրություն միացնելով: Դրա համար անհրաժեշտ է 3+ վայրկյան ձայնագրել որոնած երգը, որպեսզի այն նույնականացվի: Երգը նույնականացնելուց հետո օգտատերերին կուղարկվի համապատասխան երաժշտի պաշտոնական էջը, YouTube հավելվածում որոնված երգը պարունակող տեսանյութեր եւ այլն:
Ընդ որում՝ YouTube-ի այս տեխնոլոգիան կօգտագործի նույն համակարգը, ինչ Google որոնողական համակարգը։