Հայաստանի տարածքում դեկտեմբերի 1-5-ը սպասվում է առանց տեղումների եղանակ։ Հիդրոօդերեւութաբանների կանխատեսումներով՝ օդի ջերմաստիճանն առաջիկա օրերին աստիճանաբար կբարձրանա։ Փրկարար ծառայությունը տեղեկացնում է, որ փակ է Արագածոտնի մարզում «Ամբերդ» բարձրլեռնային օդերեւութաբանական կայանից Քարի լիճ տանող ավտոճանապարհը։
Լարսի մասին
Վրաստանի ՆԳՆ ԱԻ դեպարտամենտից եւ ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։