Ադրբեջանում մեկնարկել են նախագահի ընտրությունները: Նախագահ եւ նախագահի թեկնածու Իլհամ Ալիեւն այսօր քվեարկել է Լեռնային Ղարաբաղի մայրաքաղաք Ստեփանակերտում:
Այստեղ նրա հետ տեղամաս են ժամանել եւ քվեարկել են ընտանիքի մյուս անդամները՝ կինը՝ Մեհրիբան Ալիեւան եւ երեխաները: Այս մասին հաղորդում են ադրբեջանական լրատվամիջոցները:
Հիշեցնենք, որ Ադրբեջանի նախագահի ընտրություններին առաջադրվել է 6 թեկնածու: Ադրբեջանի նախագահն ընտրվում է 7 տարի ժամկետով: Ընտրողների թիվը 6 միլիոն 478 հազար 623 մարդ է: Նրանք քվեարկելու են 6537 տեղամասերում: