Իրանում Ադրբեջանի դեսպանատունը շուտով կվերսկսի աշխատանքը։ Ադրբեջանական APA գործակալության փոխանցմամբ այս մասին իրանական լրատվամիջոցներին հայտնել է Իրանի ԱԳՆ Եվրասիական հարցերով գլխավոր տնօրինության ղեկավար, նախարարի օգնական Մուջտեբա Դեմիրչիլուն։
Դիվանագետը նշել է, որ Իրանում Ադրբեջանի դեսպանատունը կվերաբացվի 15-20 օրվա ընթացքում։
Իրանում Ադրբեջանի դեսպանատան աշխատանքների դադարեցման մասին Բաքուն հայտնել էր նախորդ տարվա ձմռանը դիվանագիտական հաստատության վրա տեղի ունեցած հարձակումից հետո։ Այդ ժամանակ հայտարարվել էր նաեւ դիվանագիտական անձնակազմի տարհանման մասին։