Բաքվից Գրոզնի թռչող «Azerbaijan Airlines»-ի մարդատար ինքնաթիռը վթարի է ենթարկվել Ղազախստանի Ակտաու քաղաքում։ Այդ մասին հայտնում է Tengrinews-ը։ Ղազախստանի արտակարգ իրավիճակների նախարարությունը հայտնել է, որ զոհերի վերաբերյալ տվյալները ճշտվում են։
Baza տելեգրամյան ալիքը գրում է, որ վթարի ենթարկված ինքնաթիռում եղել են 105 ուղեւոր եւ անձնակազմի 5 անդամ։
Նախնական տվյալներով՝ ինքնաթիռն անհետացել է ռադարներից եւ ընկել թռիչքուղու հարակից դաշտում։ Վթարից առաջ ինքնաթիռը պտույտ է կատարել օդանավակայանի շուրջ։
Baza-ի փոխանցմամբ՝ Բաքվից Գրոզնի թռչող ինքնաթիռը ուղղությունը հավանաբար փոխել էր Չեչնիայի վրա ուկրաինական անօդաչու թռչող սարքի հարձակման սպառնալիքի պատճառով։