Մեծ Բրիտանիայի իշխանություններն այսօր հայտարարել են Ռուսաստանի նկատմամբ պատժամիջոցների ցանկն ընդլայնելու մասին։
«Սեւ ցուցակները» համալրել են Ռուսաստանի պաշտպանության փոխնախարար Պավել Ֆրադկովը, գործարար Արտեմ Չայկան եւ Ռուսաստանի տեխնիկական եւ արտահանման վերահսկողության դաշնային ծառայության տնօրեն Վլադիմիր Սելինը։
Մեծ Բրիտանիայի կառավարության կայքում տեղադրված փաստաթղթերի համաձայն՝ նոր պատժամիջոցների տակ են հայտնվել նաեւ «Ռոսատոմ» երկու կառույցներ։ Խոսքը Սանկտ Պետերբուրգի «Киров-Энергомаш» գործարանի եւ «Росатом Аддитивные технологии» ընկերության մասին է։
Պավել Ֆրադկովը Արտաքին հետախուզության ծառայության նախկին ղեկավար, ՌԴ նախկին վարչապետ Միխայիլ Ֆրադկովի որդին է։ Արտյոմ Չայկան Հյուսիսային Կովկասում նախագահի բանագնաց Յուրի Չայկայի որդին է, որը 2006-2020 թվականներին զբաղեցրել է Ռուսաստանի գլխավոր դատախազի պաշտոնը, նշում է РБК-ն։