AL Mayadeen հեռուստաալիքի հաղորդած տվյալներով՝ նոյեմբերի 7-ին թեժ մարտեր են սկսվել Գազայի հարավում։ «ՀԱՄԱՍ-ի գրոհայինները կատաղի մարտեր են մղում իսրայելական ուժերի դեմ, որոնք փորձում են առաջ շարժվել դեպի Թել ալ Հավա՝ Գազա քաղաքի հարավում: Իսրայելի ռազմական ինքնաթիռները հարվածներ են հասցնում Ալ-Սաբրա շրջանում գտնվող բնակելի թաղամասերին»,- հաղորդում է հեռուստաալիքը:
Պաղեստինի վարչապետը ուղիղ եթերում հուզվել է
Պաղեստինի վարչապետ Մուհամեդ Շտայեն հեռուստաեթերում պատմել է, որ Գազայում երեխաներն անունները գրում են իրենց մարմնին, որ հարկ եղած դեպքում հնարավոր լինի հաստատել իրենց ինքնությունը։ Քաղաքական գործիչը ելույթի ժամանակ չի կարողացել զսպել հույզերը։
ՀԱՄԱՍ-ի շտաբը տեղակայված է հիվանդանոցի շենքի տակ
Գազայի հատվածի հյուսիսում ցամաքային գործողության ընթացքում Իսրայելի ցամաքային զորքերը շարժվել են դեպի ՀԱՄԱՍ-ի կենտրոնակայան՝ Ալ-Շիֆա հիվանդանոցի մոտ: Ըստ Times of Israel պարբերականի` իսրայելցի զինվորականները հայտնել են, որ ՀԱՄԱՍ-ի շտաբը տեղակայված է հիվանդանոցի շենքի տակ։