Ադրբեջանի նախագահ Իլհամ Ալիեւը հեռախոսազրույց է ունեցել Վրաստանի նորընտիր վարչապետ Իրակլի Կոբախիձեի հետ, որի ընթացքում փոխադարձ շնորհավորանքներ են հնչեցրել մեկմեկու՝ երկրի ղեկավարի պաշտոնում ընտրվելու կապակցությամբ։ Այս մասին հայտնում է Վրաստանի կառավարության մամուլի ծառայությունը։
«Իլհամ Ալիեւը շնորհավորել է Իրակլի Կոբախիձեին վարչապետի պաշտոնում նշանակվելու կապակցությամբ եւ հաջողություններ մաղթել հետագա գործունեության մեջ։ Իրակլի Կոբախիձեն, իր հերթին, շնորհավորել է Իլհամ Ալիեւին նախագահական ընտրություններում տարած հաղթանակի կապակցությամբ»,-ասվում է հաղորդագրության մեջ։
Կողմերը մտքեր են փոխանակել նաեւ Ադրբեջանի եւ Վրաստանի միջեւ համագործակցության հեռանկարների շուրջ։
«Новости-Грузия» գործակալությունը նշում է, որ հեռախոսազրույցը տեղի է ունեցել վրացական կողմի նախաձեռնությամբ։