ՌԴ Իվանովոյի մարզում կործանվել է ռազմատրանսպորտային ինքնաթիռ, ենթադրաբար Իլ-76, որի մեջ նախնական տվյալներով եղել է 15 մարդ։ Այս մասին հաղորդում են «112» եւ «Shot» թելեգրամյան ալիքները։
Ականատեսները սոցիալական ցանցերում տեսանյութեր են հրապարակում, որտեղ երեւում է այրվող շարժիչով ինքնաթիռը։ Այն շարժվում էր դեպի Իվանովո քաղաքի մոտ գտնվող «Սեվերնի» օդանավակայան, սակայն ընկել է անտառային գոտում՝ Պոդտալիցի գյուղի եւ Բոգորոդսկոյե գերեզմանատան մոտ։ Դատելով կադրերից՝ վայրէջքի ժամանակ ընկել է ինքնաթիռի շարժիչը։
Ըստ Baza թելեգրամյան ալիքի վթարից հետո ինքնաթիռը բռնկվել է։