ԿԸՀ-ի նախնական տվյալներով՝ «Վրացական երազանքը» ունի 52,97 % քվե

Վրաստանի կենտրոնական ընտրական հանձնաժողովը (ԿԸՀ) հրապարակել է 2206 ընտրատեղամասերի նախնական հաշվարկները:

ԿԸՀ-ի տվյալների համաձայն՝ 2206 ընտրատեղամասերի, որոնք ընդհանուր ընտրատեղամասերի 70.91 տոկոսն են, նախնական արդյունքներն են.

1. «Վրացական երազանք»՝ 52,97 տոկոս,
2. «Կոալիցիա փոփոխությունների համար»՝ 11,21 տոկոս,
3. «Միասնություն-Ազգային շարժում»՝ 9,84 տոկոս,
4. «Ուժեղ Վրաստան»՝ 9,03 տոկոս,
5. «Վրաստանի համար»՝ 8,23 տոկոս,
6. «Գիրչի»՝ 3,23 տոկոս,
7. «Հայրենասերների դաշինք»՝ 2,53 տոկոս:

Հիշեցնենք, որ ըստ Կենտրոնական ընտրական հանձնաժողովի` ընտրողներին սպասարկել են 3 111 ընտրական տեղամասեր, որոնցից 3 044-ը՝ Վրաստանի տարածքում, 67-ը` արտասահմանում։

Վրաստանի կենտրոնական ընտրական հանձնաժողովի (ԿԸՀ) փոխանցմամբ՝ 20:00-ի տվյալներով` ընտրատեղամասեր է այցելել 2 մլն 060 հազար ընտրող, որը ընտրողների 58.94 տոկոսն է:

Նշենք նաեւ, որ Վրաստանում անկախ exit poll-երի նախնական հաշվարկով` ընդդիմության ընդհանուր վարկանիշը գերազանցում է իշխող «Վրացական երազանք» կուսակցության վարկանիշին: Իսկ ահա իշխանամետ «Իմեդի» հեռուստաընկերության անցկացրած exit poll-ի համաձայն՝ իշխող «Վրացական երազանք»-ը մնալու է իշխանության ղեկին եւս չորս տարի:

Նորայր Միսկարյան

ԱԼԻՔ ՄԵԴԻԱ ՎՐԱՍՏԱՆ