Ընտրությունն ավարտված է, կսկսվի քվեաթերթիկների հաշվարկը

Հայաստանում ավարտվեցին արտահերթ խորհրդարանական ընտրությունները: Ընտրատեղամասերն արդեն փակվել են։ Ընտրատարածքային ընտրական հանձնաժողովները սկսում են քվեաթերթիկների հաշվարկը: Ընտրատեղամասում գտնվողների ելումուտն այդ ընթացքում արգելվում է։

ԱԺ արտահերթ ընտրություններն անցկացվեցին 2008 ընտրատեղամասերում։ Տեղամասերից 479-ը տեղակայված է մայրաքաղաք Երեւանում, 1 529-ը` մարզերում։

Հայաստանի արտահերթ խորհրդարանական ընտրություններին մասնակցում է 25 քաղաքական ուժ՝ 21 կուսակցություն եւ 4 դաշինք:

Ընտրողների ցուցակներում ընդգրկված է 2 միլիոն 593 հազար 572 մարդ։ Ժամը 17:00-ի դրությամբ քվեարկությանը մասնակցել է 989972 մարդ՝ ընտրողների 38,17 տոկոսը:

Ընտրողների մասնակցության վերջնական տվյալները հայտնի կլինեն ժամը 21։00-ին։