ՀՀ ՊՆ մամուլի ծառայությունից հայտնել են, որ ՀՀ պաշտպանության նորանշանակ նախարար Արշակ Կարապետյանն այսօր ընդունել է Արցախում ՌԴ զինված ուժերի խաղաղապահ ստորաբաժանման ղեկավար, գեներալ-լեյտենանտ Ռուստամ Մուրադովին:
Վերջինս շնորհավորել է ՀՀ պաշտպանության նախարարին պետական բարձր պաշտոն ստանձնելու կապակցությամբ։
Հանդիպման ընթացքում քննարկվել են ՌԴ խաղաղապահ առաքելությանն առնչվող ընթացիկ հարցեր, ինչպես նաեւ իրադրությունը հայ-ադրբեջանական սահմանին: