«Արմենիա. միջազգային օդանավակայաններ» ՓԲԸ մամուլի ծառայությունից հայտնել են, որ «Wizz Air Abu Dhabi» ավիաընկերությունը փետրվարի 7-ից մեկնարկել է Աբու Դաբի-Երեւան-Աբու Դաբի երթուղով չվերթը:
Ուղեւորներով ինքնաթիռը Աբու Դաբիից Երեւան է մեկնել 09:30-ին, իսկ Երեւանից Աբու Դաբի է թռել 10:10-ին: Չվերթներն իրականացվելու են ամեն երկուշաբթի եւ ուրբաթ:
Աբու Դաբիի միջազգային օդանավակայանում տեղակայված «Wizz Air Abu Dhabi» ավիաընկերությունը պետական «Abu Dhabi Developmental Holding» ընկերության համատեղ ձեռնարկությունն է, որի հաշվեկշռում հիմնականում ֆրանսիական «Airbus A321» ինքնաթիռներն են։