Ռուսաստանի նախագահի մամուլի քարտուղար Դմիտրի Պեսկովը ասել է, որ Վլադիմիր Պուտինը պարբերաբար կատակում է Ռուսաստանի առասպելական ներխուժման «ճշգրիտ ամսաթվի» թեմայով։
Պեսկովն ասել է, որ Պուտինը «ռուսական ներխուժման» ամսաթվերին առնչվող հրապարակումների «արանքում» մի անգամ կատակել է՝ «Իսկ պատերազմի մեկնարկի ճշգրիտ ժամանակը դեռ չի՞ հրապարակվել»:
Արտահայտիչ դիմախաղ տպավորիչ խոսքերի փոխարեն
Հետաքրքիր դրվագ է տեղի ունեցել ՌԴ արտգործնախարար Սերգեյ Լավրովի լեհ գործընկեր ու ԵԱՀԿ գործող նախագահ Զբիգնեւ Ռաուի հետ համատեղ մամուլի ասուլիսի ժամանակ: Լրագրողներից մեկի՝ Ուկրաինա ներխուժելու վերաբերյալ հարցին Լավրովը պատասխանել է միայն դեմքի միմիկայով, ինչը հարուցել է ներկաների ծիծաղը։
ՌԴ ԱԳՆ պաշտոնական ներկայացուցիչ Մարիա Զախարովան մեկնաբանել է Լավրովի արձագանքը։ «Քանի որ արեւմտյան գործընկերներին խոսքերն այնքան էլ չեն հասնում, հարկավոր է պատասխանների հնչեցման ժամանակ ակտիվորեն կիրառել դիմախաղը, գլխով ու աչքով անել»,- Telegram-ալիքի իր գրառման մեջ նշել է Զախարովան:
Արեւմտյան մամուլը տարածել է ԱՄՆ-ի՝ եվրոպական դաշնակիցներին ուղղված նախազգուշացումը․ ըստ Պենտագոնի հետախուզական տվյալների՝ Ռուսաստանը Ուկրաինա կներխուժի այսօր՝ փետրվարի 16-ին։