Ռուսաստանի Դաշնության նախագահ Վլադիմիր Պուտինը եւ Թուրքիայի նախագահ Ռեջեփ Թայիփ Էրդողանը ապրիլի 28-ին ՌԴ-ի եւ Ուկրաինայի միջեւ տեղի ունեցող իրադարձությունների առնչությամբ հեռախոսազրույց են անցկացրել:
ՌԴ նախագահը Էրդողանին շնորհակալություն է հայտնել նախօրեին ռուս օդաչու Կոնստանտին Յարոշենկոյի՝ ամերիկացի ծովային Թրեւոր Ռիդի հետ փոխանակման համար:
Թուրքիայում ապրիլի 27-ին փոխանակել են ԱՄՆ ծովային կորպուսի նախկին զինծառայող, 2019-ի օգոստոսի 15-ին ՌԴ-ում ոստիկանության հետ վիճաբանության համար ձերբակալված Թրեւոր Ռիդին եւ 2011-ին Լիբերիայում ձերբակալված եւ թմրամիջոցների ապօրինի շրջանառության մեղադրանքով ԱՄՆ տեղափոխվելուց հետո 20 տարով ազատազրկված ռուս օդաչու Կոնստանտին Յարոշենկոյին։