Հայ շախմատիստները Օլիմպիադայի փոխչեմպիոն

Հայաստանի շախմատի տղամարդկանց հավաքականը 44-րդ Համաշխարհային օլիմպիադայի վերջին տուրում հաղթանակ է տոնել:

Հնդկաստանի Չենայ քաղաքում ընթացող Համաշխարհային օլիմպիադայի վերջին` 11-րդ տուրում Հայաստանի հավաքականն ուժերը չափել է Իսպանիայի ընտրանու հետ: Հայաստանի ընտրանու կազմում իրենց պարտիաները ոչ-ոքի են ավարտել Մանուէլ Պետրոսյանը, Ռոբերտ Հովհաննիսյանը եւ Հրանտ Մելքումյանը: Հաղթանակ է տոնել միայն Գաբրիել Սարգսյանը: Հայաստան-Իսպանիա խաղը 2,5-1,5 հաշվով ավարտվել է Հայաստանի հավաքականի հաղթանակով:

Օլիմպիադայի վերջնական արդյունքները հայտնի կլինեն, երբ Ուզբեկստանը կավարտի պայքարը, քանի որ Ուզբեկստանի եւ Հայաստանի հավաքականներն ունեն հավասար միավորներ: Ուզբեկստանի հավաքականի մրցակիցը վերջին տուրում Նիդերլանդների հավաքականն է: