Ըստ ռուսաստանյան լրատվամիջոցների՝ ռուսաստանցի հայազգի ֆուտբոլիստ Արսեն Զախարյանով հետաքրքրված են նաեւ իսպանական գրանդ ակումբները: Մոսկվայի «Դինամո»-ի հետ մինչեւ 2024-ը պայմանագիր կնքած 19-ամյա ֆուտբոլիստին հետեւում են նաեւ կատալոնական «Բարսելոնա»-ի եւ Մադրիդ «Ռեալ»-ի ներկայացուցիչները:
Ավելի վաղ հայտնի էր դարձել, որ հայկական արմատներով ռուսաստանցի ֆուտբոլիստ Արսեն Զախարյանը չի տեղափոխվի Լոնդոնի «Չելսի»: Զախարյանի տեղափոխությունը անգլիական ակումբ չեղարկվել է Ռուսաստանի նկատմամբ գործող պատժամիջոցների պատճառով:
Հայազգի ֆուտբոլիստը ռուսաստանյան ակումբի կազմում մասնակցել է 52 խաղի, դարձել է 13 գոլի եւ 16 արդյունավետ փոխանցման հեղինակ: 2021-ին Զախարյանը նորամուտն է տոնել Ռուսաստանի ֆուտբոլի ազգային թիմի կազմում եւ առ այսօր անցկացրել է 4 հանդիպում: