Ձերբակալվել են «Թուրքական հոսքը» պայթեցնել փորձողները

ՌԴ նախագահի մամուլի քարտուղար Դմիտրի Պեսկովը հայտնել է, որ Ռուսաստանի տարածքում «Թուրքական հոսք» գազատարը պայթեցնելու փորձի ժամանակ դիվերսանտներ են ձերբակալվել։

ՌԴ նախագահ Վլադիմիր Պուտինը հոկտեմբերի 10-ին Անվտանգության խորհրդի անդամների հետ օպերատիվ խորհրդակցության ժամանակ հայտարարել էր, որ Կիեւը փորձել է պայթեցնել «Թուրքական հոսք» գազատրանսպորտային համակարգի հատվածներից մեկը:

ՌԴ նախագահն ավելի վաղ նշել էր, որ Ռուսաստանը «Հյուսիսային հոսքերից» գազի տարանցումը կարող է տեղափոխել Սեւ ծովի տարածաշրջան ու Թուրքիա: