ՀՀ ՊՆ մամուլի ծառայությունից հայտնել են, որ այսօր՝ 16:30-ի սահմաններում, Ադրբեջանի ԶՈՒ ստորաբաժանումները տարբեր տրամաչափի հրաձգային զինատեսակներից կրակ են բացել հայ-ադրբեջանական սահմանի արեւելյան հատվածում տեղակայված հայկական դիրքերի ուղղությամբ:
Հայկական կողմը կորուստներ չունի: Այս պահի դրությամբ իրավիճակը հարաբերականորեն կայուն է:
ՀՀ ՊՆ-ն ավելի վաղ հայտնել էր, որ հոկտեմբերի 19-ի լույս 20-ի գիշերը՝ 00:05-ի սահմաններում, Ադրբեջանի ԶՈՒ-ն նտարբեր տրամաչափի հրաձգային զինատեսակներից եւ ականանետերից կրակ է բացել հայ-ադրբեջանական սահմանի արեւելյան հատվածում տեղակայված հայկական դիրքերի ուղղությամբ: