«Fly Arna» ավիաընկերության մամուլի ծառայությունից հայտնել են, որ հոկտեմբերի 30-ին մեկնարկել է Երեւան-Թբիլիսի-Երեւան առաջին չվերթը:
Ընկերությունն այսուհետեւ ամեն երեքշաբթի, ուրբաթ եւ կիրակի չվերթ կիրականացնի Հայաստանի եւ Վրաստանի մայրաքաղաքների միջեւ։
Թռիչքի տեւողությունը 30 րոպե է: Երեւանից Վրաստանի մայրաքաղաք թռիչքը կմեկնարկի 16:55-ին, իսկ Թբիլիսի կժամանի 17:40-ին: Թբիլիսիից Հայաստանի մայրաքաղաք թռիչքը կմեկնարկի 18:20-ից, իսկ Երեւան վայրէջք կկատարի 19:10-ին: